初凝 · 芝茶 (已結業)

旺角中心入面都有好几间茶饮小店，我有时都钟意帮衬支持吓，今日就拣咗呢间初凝芝茶。佢哋标榜用德国鲜奶，唔用奶精。学生同医护人员仲有优惠，可惜我两样都唔系😩。第一次嚟，我通常都习惯问吓店员有咩推介，店员就推介我饮初凝鲜果茶同初凝芝·士多啤梨3.5拿铁。初凝芝·士多啤梨3.5拿铁卖相已经够吸睛，有3个唔同层次，而且仲系粉红甜心嘅颜色。芝士奶盖味道浓郁，加上佢系用德国鲜奶嘅关系，所以佢嘅士多啤梨奶特别幼滑，士多啤梨味道突出而又唔会过甜，真系好啱女士们嘅口味。初凝鲜果茶内有好多唔同水果，而且全部都系鲜果，饮得又食得。而佢嘅茶底有阵说不出嘅清香，真系会一试爱上。呢间小店嘅出品真系充满惊喜，比起大集团嘅更好味同有特色，下次路经一定要再帮衬！