影片
更多
2019-02-01
26 浏览
新春将至，是日同朋友去左旺角shopping买新衫新裤新鞋，旺角周街都咁鬼多人，平时兆万创兴果啲排队排到出街，谂起都怕，行完波鞋街果边见到有间越南菜唔驶等位，我又鬼咁挂住pho，就入去试下喇！坐低第一时间望下餐牌，价钱都合理，由于好肚饿嘅关系，就炸炸临叫野食啦！第一样紧系叫返个Pho啦，我见到有一个牛嘅杂锦pho，令我谂起喺Sydney越南区食嘅「pho特别」配料又系有晒牛丸牛肉等，好丰富于是我地就叫左呢个嘞然后我地仲叫左越式鸡煲，重庆麻辣鸡煲香港就周街都系，一于试返个越式嘅睇下咩味我周同班friend好拆得架，我地仲叫左炒通菜饮品就叫椰青，同埋一个滴漏咖啡。好，讲下啲食物质素如何先：What the pho杂锦越式河：呢个pho真系够晒特别，有澳洲和牛同日本和牛啦，牛舌，仲有牛丸，我想讲用料真系好新鲜，肉质鲜，特别要赞下个牛丸，唔系一般街边冻肉店果种，系手打仲保持到少少牛肉质感嘅果种牛丸。而且好用心，个河粉黎到佢地先加汤，保持到牛肉嫩度。但我觉得香料同芽菜可以多啲，希望可以提供海鲜酱呢个整体我俾7.5/10分越式鸡煲：睇样子，佢同一般麻辣鸡煲相差不大，食落好重好重香茅同姜味，有啲酸酸
是日同朋友去左旺角shopping买新衫新裤新鞋，旺角周街都咁鬼多人，平时兆万创兴果啲排队排到出街，谂起都怕，行完波鞋街果边见到有间越南菜唔驶等位，我又鬼咁挂住pho，就入去试下喇！坐低第一时间望下餐牌，价钱都合理，由于好肚饿嘅关系，就炸炸临叫野食啦！
第一样紧系叫返个Pho啦，我见到有一个牛嘅杂锦pho，令我谂起喺Sydney越南区食嘅「pho特别」配料又系有晒牛丸牛肉等，好丰富于是我地就叫左呢个嘞
然后我地仲叫左越式鸡煲，重庆麻辣鸡煲香港就周街都系，一于试返个越式嘅睇下咩味
我周同班friend好拆得架，我地仲叫左炒通菜饮品就叫椰青，同埋一个滴漏咖啡。
好，讲下啲食物质素如何先：
What the pho杂锦越式河：呢个pho真系够晒特别，有澳洲和牛同日本和牛啦，牛舌，仲有牛丸，我想讲用料真系好新鲜，肉质鲜，特别要赞下个牛丸，唔系一般街边冻肉店果种，系手打仲保持到少少牛肉质感嘅果种牛丸。而且好用心，个河粉黎到佢地先加汤，保持到牛肉嫩度。但我觉得香料同芽菜可以多啲，希望可以提供海鲜酱呢个整体我俾7.5/10分
越式鸡煲：睇样子，佢同一般麻辣鸡煲相差不大，食落好重好重香茅同姜味，有啲酸酸地类似蕃茄味？味道几好有层次，仲有微麻辣，我俾7/10分。
炒通菜：一个正常炒通菜，加了炸到好香嘅蒜蓉，但唔够咸，我俾6/10分。
呢餐我同朋友每人食左200左右，
个鸡煲可以因应人数2人或3-4人叫唔同份量。
如果钟意食越南菜嘅人，都可以试下，因床呢到会有啲出面未必有嘅菜式
张贴
