凱悅海南雞專門店 (已改名) 查看

今晚两个人想简简单单食一餐。去咗食凯悦美食坊无骨海南鸡专卖店。平时呢度都几多人㗎。但可能因为今日天气冻，所以比平时少咗客。咁我哋就可以慢慢坐下喇。无骨海南鸡黄姜饭：黄姜饭系用咗香茅，香蒜，鸡油，同埋黄姜粉去整。所以好香，味道好有层次。饭粒粒分明，唔会淋到一pat咁。见到舖头墙身上有写住佢哋嘅鸡系每日新鲜到港，并自设农场。再细问老板之下，原来佢哋嘅鸡系食粟米大嘅，所以鸡嘅肉质同埋味道都比出面一般嘅好。唔怪之得佢哋嘅海南鸡皮比较薄，而且肉质嫩滑啦。鸡嘅味道方面，佢冇太浓嘅调味更加食得出鸡嘅鲜味。无骨盐水家积鸭黄姜饭：盐水唔会太咸，小小嘅咸味带出鸭既味道。就算我食鸭胸都唔会好鞋。鸭肉份量都好多。瓣酱豆腐：有惊喜。外脆内非常Juice。师傅应该系用咗大火去炸新鲜厚切嘅豆腐，先至做到呢个效果。再加埋咸咸辣辣嘅瓣酱，好match。紫菜汤：有好多肉碎粒粒喺紫菜汤入边。应该系用鸡壳熬左个汤底再加紫菜落去嘅。所以唔会饮完好颈渴。可以清下热。热杏霜：今晚天气咁冻，饮番杯热杏霜，美容又暖胃用心制作嘅小店，各位街坊可以试吓。