火鳳凰火鍋料理 (已結業)

系太平道呢间火凤凰火锅料理琴晚我朋友带我去，试过真系一试难忘，真系好吾错，又得打边炉又有得唱K，野食又正，服务又好，价钱又合理，而且又开到零晨12点，真心推介。到达后环境安静舒服，就算有唱k房都不会影响出面食野环境，menu都好多食物拣，鸡煲，就咁打边炉，海鲜样样齐，而且用料非常新鲜，全部都食到我lamlam脷啊。我地嗌左个霸王藏娇窝，是三黄鸡南瓜鸡汤嘅汤窝，汤超好饮，好鲜甜，又冇味精，之后点了个海鲜拼盘，超厉害，好大盘，有大蛏子，大元贝，海虾，鲍鱼，蚝，翡翠螺，全部都好新鲜美味，又洗得干净冇沙，鲍鱼又擦得好白，鲜甜好食。之后仲点左份鸡子，其实吾多店舖有得嗌鸡子，佢价钱好合理，先几十元，大大粒好多粒就上碟，好鲜味好食，之后一定要加菜同乌冬，因为个汤底实在太正，令到最后食嘅菜同乌冬吸晒d海鲜同鸡汤嘅精华，超好食，而家谂返都流口水！最后每人卖单都只系三百左右，好抵啊见有房可以book同唱k嘅，下次多人book间房玩都应该很正。