熨烤達人 (已結業)

约饭约咗成两个月，终于约到日大家都得闲🤩，又挑起条瘾想韩烧，今次就拣咗熨烤达人，因为我同朋友之前都有食过，唔洗惊中伏嘛🤣一入座店员就即刻送上三款前菜，味道唔错㗎，而且就咁食又得，用黎包肉食又得，我地都refill咗好几round！炉边蛋系我食韩烧既至爱之一，有粟米同芝士比我地落落去，加埋真系劲好味，尤其系落芝士，正🤩上次试咗熨斗烤压set，食物几高质又抵食，今次就试下超级熨斗烤压set，有M5牛肉眼扒、牛肋骨、特级雪花牛、厚切五花肉片同埋调味猪皮，牛同猪都有齐晒，正啊！最中意M5牛肉肉眼扒，送上黎个阵仲未开封，确保系真材实料。之后店员好细心咁帮我地烧，仲问我地要几成熟，咁既服务认真抵赞。味道认真唔错，肉质软腍且牛味颇重。之前唔知喺边度听过，韩国人食烧肉兴食水冷面，我地都学下韩国人叫咗碗水冷面，酸酸甜甜咁好开胃，而面条就弹牙有咬口，整体而言不过不失。餐厅宜家搞活动，只要like Facebook page就有饮品送，当日有士多啤梨或者蓝莓梳打拣，我就拣咗前者。本身谂住送既都唔会好得去边，点知劲大杯，仲要味道都唔错！