煮你隻蜆 (已搬遷) 新店位置

老板用心研发嘅冬瓜香菇汤蚬好好味呀～个汤好鲜甜，食得出用咗靓香菇整，香菇嘅口感好嫩滑，好有香菇味，非常清甜。一问之下先知道呢个冬瓜汤老板系完全冇落味精，之所以咁清甜全因为佢自己研发用咗五个冬瓜去煲呢个汤，香菇系自己亲手拣选嘅，每日朝早都会去街市选购，用料全部都系即日买即日煮，有剩嘅食材佢系唔会留过夜，所以个汤底先至会咁清甜，啲蚬肉先至可以keep住咁新鲜咁嫩滑。咁又系，如果落味精嘅话就唔使用五个冬瓜都会好味啦！夏天食又消暑又解喝，加埋弹牙爽脆嘅金菇，简直系完美嘅配搭！原来好多keep fit嘅人都会嚟呢度买返屋企做晚餐午餐，因为蚬肉系低卡嘅！最后我想讲嘅系，我帮衬咗呢间店好几次啲水准都好高！每次食之前都会数下每次都有10只蚬，全部都好大只好肥美，而且试过其他口味啲蚬肉都系好鲜甜好夹啲汤底！食得出老板真系好用心花咗好多心思同热诚去主理呢间食店，所以我每次嚟葵涌广场都一定会嚟帮衬！第一次见觉得老板个样好似有啲恶，如果佢唔讲嘢都几cool下。但慢慢同佢倾吓计发现原来佢个人真系好Nice！老板劲钟意Mirror！我钟意嘅系Error, 但16子无分你我，当然都可以倾得好投契啦！望多啲人发现呢间