寬巷子 (已結業)

纯粹想用埋d海港城coupon又咁啱book到先食。拣左红泥小染同东方美人锅，$338好贵。 综合肉类盛合朶猪颈肉玫瑰花砌得几靓，d猪肉羊肉肉质正常，冇乜惊喜。 温体牛睇得d台湾野多，话食温体牛好正。牛肉味几出，但冇令人惊艳嘅感觉。牛肉寿司滑睇落好似和牛寿司系好吸引，但d滑都要烚几长时间先熟，但上面块牛已经熟到鞋，成件事有d错配。 豚肉寿司滑呢个反而有惊喜，面头块猪唔会因为太熟出事，旧滑又几弹牙又juicy 传统台式月饼糕纯粹唔多够饱，个fd又唔食得海鲜先叫。真心麻麻，虽然入面个馅几好味，但份量超少。个米饼好易煮到烂溶溶，食落口感好差。 总括黎讲，d摆盘系好靓，但食物质素冇惊喜，而且定价set得太太太高。两个汤底五碟野食扣埋5张$100 coupon, 都要$1100松d落楼，呢个价喺出面好食嘅边炉可以食到好多野，仲有可能太多人帮衬，人手唔多够招呼又麻麻，唔推。