麗島小廚 (已結業)

今晚两个人食鸡煲，拣咗椰子鸡煲，半只鸡份量，再加少少火锅配料，饱到冇朋友。佢呢度汤底、鸡同埋椰青系分开上嘅，半只鸡都几大只，而且都几新鲜。将鸡同埋椰青到晒落个汤底度等佢滚起，唔使咁快打边炉住，食吓鸡饮下鸡汤都不知几滋味。啲鸡真系好新鲜好嫩滑，而且啲鸡都唔系好肥，唔会搞到成个汤底油淋淋，个椰子鸡汤真系好饮，好香椰子味。火锅配料我哋只系嗌咗韭菜饺，呢度嘅韭菜饺几好食，入面啲韭菜好新鲜。呢度嘅大柠茶几抵饮，大大杯，啱晒食鸡煲。