海岸扒房 (裝修中)

话说男朋友生日想揾间靓少少既餐厅一齐庆祝。见到呢间似唔错就经openrice 订位（因为佢写营业时间开18:00，订位果时系朝早），本住一试无妨既心态就顺便留comment 讲低男朋友生日可唔可以安排个生日蛋糕系有happy birthday 等等既字眼。当日下午已经打电话黎问详细内容，呢个已经值得一赞。当日安排左窗边位，可以见到泳池，景观算ok,点都好过坐走廊位。开左枝红酒同点左两块牛排加几只水牛城鸡翼当小食，味道都唔错而且份量多，要弹既地方就系牛排等得耐，食完鸡翼应该等左十零分钟先上牛排。到最尾食甜品果时的确跟足我想留既字眼，现场仲有live唱生日歌，气氛都ok不过要提提果到冷气比较大，大家带件衫就著数晒。