影片
更多
2022-11-14
564 浏览
话说上星期六，放假! 我同女友小熊都懒! 懒得郁! 懒得煮饭! 结果最后都系我输咗! 俾小熊指咗去买外卖返嚟! 激鬼气!今个星期我点都唔出去买外卖㗎喇!指呀小熊去买外卖! 女友小熊当然心有不甘啦!嘻嘻.....正当我沾沾自喜之际，突然收到友人来电，想我帮佢占卜开盘问前景，约我系朗豪坊见面....果只咁嘅小熊一听到我要出门，岂有此理脚都拍埋手掌叫好! 仲即系上网睇吓有咩外卖啱食!"食咩好呢! 唔..... 食 pizza 啦! 你去 euro go go 买外卖啦！我要食百宝 pizza 啦! 我要食白汁香肠火腿蘑菇意粉啦! 我要食蜜糖鸡翼啦! 我要食烟肉芝士焗薯皮啦! 你快D去快D返啦!""钱呢?!""你出住先啦!""妖!"出到朗豪坊，首先同友人开盘睇前景，之后先买外卖，由于唔知讲几耐，唔敢打电话落定柯打.，免得个 pizza 放凉.去到 euro gogo，店舖回覆外卖需时20分钟，20分钟感觉颇费时，好彩等外卖其间又有另一位朋友来电要求占卜问事，所以边等边占卜，感觉等哩20分钟好快就过咗.外卖到手虽然已经即刻飞返屋企，但 pizza 批底仍然感觉颇湿，唔够干身唔够脆，要放上平底镬煎
我同女友小熊都懒! 懒得郁! 懒得煮饭! 结果最后都系我输咗! 俾小熊指咗去买外卖返嚟! 激鬼气!
今个星期我点都唔出去买外卖㗎喇!指呀小熊去买外卖! 女友小熊当然心有不甘啦!
嘻嘻.....
正当我沾沾自喜之际，突然收到友人来电，想我帮佢占卜开盘问前景，约我系朗豪坊见面....
果只咁嘅小熊一听到我要出门，岂有此理脚都拍埋手掌叫好! 仲即系上网睇吓有咩外卖啱食!
"食咩好呢! 唔..... 食 pizza 啦! 你去 euro go go 买外卖啦！我要食百宝 pizza 啦! 我要食白汁香肠火腿蘑菇意粉啦! 我要食蜜糖鸡翼啦! 我要食烟肉芝士焗薯皮啦! 你快D去快D返啦!"
"钱呢?!"
"你出住先啦!"
"妖!"
出到朗豪坊，首先同友人开盘睇前景，之后先买外卖，由于唔知讲几耐，唔敢打电话落定柯打.，免得个 pizza 放凉.
去到 euro gogo，店舖回覆外卖需时20分钟，20分钟感觉颇费时，好彩等外卖其间又有另一位朋友来电要求占卜问事，所以边等边占卜，感觉等哩20分钟好快就过咗.
外卖到手虽然已经即刻飞返屋企，但 pizza 批底仍然感觉颇湿，唔够干身唔够脆，要放上平底镬煎一煎先够脆，非战之罪.
另外芝士味唔够浓，而蕃茄味比较重，早知如此我会选择走蕃茄.
白汁香肠火腿蘑菇意粉唯一问题系白汁味道咸咗少少.
烟肉芝士焗薯皮系水准之作，无咩大问题，而蜜糖鸡翼肉嫩 juicy，蜜糖汁足够令到鸡翼更惹味，好味到小熊又食到褶褶声!
"喂!外卖钱点计?"
"噢.... 食完训觉....."
"喂喂喂.... 你未俾钱呀!"
"zzzzzz……"
岂有此理! 又玩我!
PS:致友人
我知道你会睇我食评，都系果句，其实你依家情况绝对唔系差，放心，俾信心自己，你将来嘅工作必定承担绰绰有余，系时候发挥你小宇宙吧!
烟肉芝士焗薯皮
26 浏览
0 赞好
0 留言
上：白汁香肠火腿磨菇意粉 下：蜜糖鸡翼
27 浏览
0 赞好
0 留言
百宝pizza
23 浏览
0 赞好
0 留言
张贴
