正品小館 (已結業)

今日同老公去佐敦逛佢少年时期最爱的模型店✈️🛰🚀⛵️，买下模型返屋企一齐砌。然后去咗隔离街一间中式小店 — 正品小馆👍🏻😋，提早食晚饭。📍海南鸡半只🐓（$88）👉🏻好嫩滑，好有鸡味，鸡皮又唔会太肥，好好食！只鸡配三款酱，当中最爱姜蓉，咸香适中，正！📍盐焗冻马友🐟（$88）👉🏻平时食开蒸鱼，今次叫咗条冻鱼。👍🏻条鱼啖啖肉，好滑，好有鲜味。呢个价钱冇可能自己整到！📍椒盐大尾鱿🦑（$68）👉🏻大牌档常见的菜式，酥香既炸鱿鱼配合葱同指天椒，香辣味道唔错😍，如果可以加埋炸蒜就最好喇!📍樱虾鹅油菜🥬（$48）👉🏻食落感觉好新鲜，樱花虾增加口感，加埋鹅油的脂香😍😋😋😋📍冻柠水/冻柠茶🥃（$18）👉🏻极度普通嘅柠茶柠水，柠檬好大方📍白饭🍚（$？）👉🏻平时好少刻意提及，不过唔系讲笑呢间嘅饭香真系好香，好好味，老公赞咗好耐🍚仲有佢个自家制辣椒油都十分香！平时多数都系去酒楼叫𩠌食饭，好少去小餐厅叫𩠌食饭。觉得其实帮衬本地小店都可以有很好质素👍🏻，价钱实惠，真系做到平靓正😋👍🏻，平过自己煮（师奶心）。