煲仔榮記 (已結業)

男朋友一向系沙嗲牛肉面既粉丝，知道旺角开咗煲仔荣记仲满心期待 谂住试吓佢好出名嘅煲仔牛肉面。一去到门口好惊讶竟然冇人排队，点知恶梦就开始。已经唔系希望越大失望越大咁简单，而系食完会觉得好唔抵抌晒心口。我哋叫咗招牌嘅煲仔沙嗲牛肉面，咖喱三宝同埋流心奶黄蛋挞。碗面未到嘅时候已经觉得好出奇 点解滚住个煲仔都可以成间舖头冇味。个煲到咗 首先个汤唔滚 完全冇啲人讲到个汤系滚到有气泡，只系普通一个汤面卖相唔吸引，并冇任何芽菜豆卜，只系得牛肉乱放喺个面。招牌系沙嗲牛肉，但牛肉质素好差，好鞋口，好似街市买完牛肉然后滚熟咗咁完全冇味。汤底亦都冇传闻讲到好香浓好杰，只系觉得非常普通 一碗有沙嗲味嘅汤。反而旺角其他冰室嘅沙嗲牛肉面，质素更加比佢好，但系人哋价钱比佢平成倍。另外叫咗个咖喱三宝要30蚊，更加令人失望。就好似打边炉食到最尾，系锅底捞起嘅猪皮鱿鱼同牛柏叶，熟到一啲都唔爽口，又系淋𠮶个所谓好好味既沙嗲酱，但系亦都非常啖口， 同食物味道夹不到。总括嚟讲，间野名大于实，俾人呃咗尼食一次都真系唔会有第二次，大家未试嘅都可以唔洗试 无谓嘥钱食啲大家乐质素嘅沙嗲牛肉面，绝对唔建议大家食！