影片
更多
2024-09-07
2243 浏览
21/8/2024📍Mr. O我哋成日食隔离果间阿土伯盐水鸡 都见到呢间西餐厅好似几旺场 今次终于放弃盐水鸡过咗离试下新野啦😆呢间餐厅嘅装修都有啲心思 行田园风路线 好多花花草草嘅装饰 几靓嘅❣️我哋坐卡位 每个卡位都有个鸟笼装饰围住 好有feel 而且都几阔落 坐得几舒服 呢度嘅座位好多 平日夜晚去食都唔洗排队⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨椒盐粟米（$68）系🙍🏼♀️一睇menu就话要嗌嘅野 唔好问点解 纯粹系突然间想食粟米😂呢度大约有一条粟米嘅分量 切开咗细细嚿 吉嚟食都好方便 食落椒盐味好浓 唔会太咸 粟米本身又够甜 咸咸甜甜咁好jeng！上面仲有超多炸蒜 口感同味道都一流❣️✨千岛酱烟三文鱼pizza（$138）边位焗到脆卜卜 好似食紧饼干咁 中间有馅料嘅部分超软身 几钟意呢个口感👍🏻 虽然Pizza好大个 但批底系薄批嚟 所以食落都唔会太济馅料部分都好正 最底有满满嘅芝士 上面有烟三文鱼、青红椒、洋葱、菠萝 夹埋一齐嘅味道系甜甜哋嘅 好好食🤤跟餐配咗个沙律/椰菜花汤 同埋野饮 试咗沙律同汤 两样都正常嘅✨美国西冷牛扒配泰式柚子沙律（$176）牛扒嗌咗五成熟 生熟程度啱啱
📍Mr. O
我哋成日食隔离果间阿土伯盐水鸡 都见到呢间西餐厅好似几旺场 今次终于放弃盐水鸡过咗离试下新野啦😆
呢间餐厅嘅装修都有啲心思 行田园风路线 好多花花草草嘅装饰 几靓嘅❣️
我哋坐卡位 每个卡位都有个鸟笼装饰围住 好有feel 而且都几阔落 坐得几舒服
呢度嘅座位好多 平日夜晚去食都唔洗排队
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
✨椒盐粟米（$68）
系🙍🏼♀️一睇menu就话要嗌嘅野 唔好问点解 纯粹系突然间想食粟米😂
呢度大约有一条粟米嘅分量 切开咗细细嚿 吉嚟食都好方便
食落椒盐味好浓 唔会太咸 粟米本身又够甜 咸咸甜甜咁好jeng！上面仲有超多炸蒜 口感同味道都一流❣️
✨千岛酱烟三文鱼pizza（$138）
边位焗到脆卜卜 好似食紧饼干咁 中间有馅料嘅部分超软身 几钟意呢个口感👍🏻
虽然Pizza好大个 但批底系薄批嚟 所以食落都唔会太济
馅料部分都好正 最底有满满嘅芝士 上面有烟三文鱼、青红椒、洋葱、菠萝 夹埋一齐嘅味道系甜甜哋嘅 好好食🤤
跟餐配咗个沙律/椰菜花汤 同埋野饮 试咗沙律同汤 两样都正常嘅
✨美国西冷牛扒配泰式柚子沙律（$176）
牛扒嗌咗五成熟 生熟程度啱啱好 牛味几重 油脂部分唔会太多 唔会好难咬 同香草汁几夹
沙律都有调味 唔会好似食紧草咁🆗
✨生蚝（$48）
佢星期一至三有买一送一嘅优惠
不过生蚝比较细旧 而且有少少腥
落啲柠檬同Tabasco 就ok
以呢个价钱黎讲就超值啦
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
最后埋单～$430 （唔收加一）
本身觉得呢间会中伏 出奇哋有惊喜 野食都做得唔错（除咗生蚝）价钱又唔贵 如果谂唔到食咩嘅 呢间都可以一试 ☺️
推荐指数🌟：3.5/5
📍 荔枝角长沙湾道833号长沙湾广场3楼301号舖
张贴
