影片
更多
2024-11-28
396 浏览
好耐冇同老友出嚟食饭，星期一四人行去咗旺角周围逛，朋友提议去食麻辣火锅，我自己就麻麻哋，因为怕辣，但系老婆好钟意食辣，所以都顶硬上。睇餐牌见到有BB辣，所以要求大家陪我一齐试吓微辣嘅火锅。餐牌仲见到有田鸡同埋鸡嘅鸳鸯打孖一齐上，都几得意，一于试试。首先上个鱼生拼盘，种类都有好多，摆设吸引，而且鱼生够新鲜，价钱都唔贵。鸡煲烧到热辣辣上枱，首先食我最钟意嘅鸡肉，鸡肉味带麻辣，颜色浓郁，但系鸡肉嫩滑好Juicy，而田鸡肉就好弹牙口感特别，煲底有姜同埋蒜头，一齐夹埋食好惹味，连同麻辣混埋一齐味道非常丰富。鸡嘅份量都好多，但系俾我哋好快脆就清晒，一啲都冇得剩! 食完麻辣田鸡鸡煲店员放上汤落去做火锅底，首先上枱系火锅海鲜拼盘，真系好大盘，啲虾同埋鲍鱼仲郁嚟郁去，卖相非常吸引，跟住再嚟多一大碟免费嘅和牛拼盘，只要share比朋友就可以送一盘。成张枱都摆满晒食物，未试过食咁多唔同种类嘅食物，今次真系好满足。虾肉弹牙味甜，而蛏子就充满麻辣味，鲍鱼肉脆同麻辣火锅汤配合都食到鲍鱼鲜味，带子同埋生𧐢就灼得啱啱好，口感嫩滑鲜甜，真系够晒豪气。龙趸鱼片鱼皮厚切就胶质丰富好好味。封门柳好有肉味，有咬口脆脆哋好得意，
餐牌仲见到有田鸡同埋鸡嘅鸳鸯打孖一齐上，都几得意，一于试试。
首先上个鱼生拼盘，种类都有好多，摆设吸引，而且鱼生够新鲜，价钱都唔贵。
鸡煲烧到热辣辣上枱，首先食我最钟意嘅鸡肉，鸡肉味带麻辣，颜色浓郁，但系鸡肉嫩滑好Juicy，而田鸡肉就好弹牙口感特别，煲底有姜同埋蒜头，一齐夹埋食好惹味，连同麻辣混埋一齐味道非常丰富。鸡嘅份量都好多，但系俾我哋好快脆就清晒，一啲都冇得剩!
食完麻辣田鸡鸡煲店员放上汤落去做火锅底，首先上枱系火锅海鲜拼盘，真系好大盘，啲虾同埋鲍鱼仲郁嚟郁去，卖相非常吸引，跟住再嚟多一大碟免费嘅和牛拼盘，只要share比朋友就可以送一盘。成张枱都摆满晒食物，未试过食咁多唔同种类嘅食物，今次真系好满足。
虾肉弹牙味甜，而蛏子就充满麻辣味，鲍鱼肉脆同麻辣火锅汤配合都食到鲍鱼鲜味，带子同埋生𧐢就灼得啱啱好，口感嫩滑鲜甜，真系够晒豪气。龙趸鱼片鱼皮厚切就胶质丰富好好味。
封门柳好有肉味，有咬口脆脆哋好得意，煲底捞剩一件又厚又碌咗好耐嘅牛柳，但系都唔会嚡口又唔韧。牛板键肉味浓，同麻酱蒜蓉一齐食好味。牛肩胛入口有牛肉味都OK㖞！和牛肉眼就烟烟韧韧入口好得意，简简单单同豉油一齐都食到牛肉鲜味。安格斯牛肉质软腍，食到牛肉同埋脂肪嘅香味，别有一番滋味。黑毛素肚吸晒啲麻辣汤汁口感脆嫰，一啲都唔觉得自己系食紧素肉。本来想继续试啲肉丸同埋蔬菜，食物放晒喺放题区任攞任食，但系个肚唔争气装唔落，只可以食多杯本港独制嘅焦糖爆谷雪糕之后就举手投降，钟意食甜品就唔好错过e杯雪糕，下次有机会再嚟食过！
餐厅细细间好橘子，属于一层过嘅食店，7:30上到去都开始人多，9:30走时仲有几枱陆续入座。装修布置简单舒适，坐足两粒半钟都可以。空调抽风足够，冇油烟味，食完鸡煲唔会成身一阵油味。摆放酱料及食物同埋饮品位置整齐清洁，放题食物refill得好快。而店员服务态度殷勤有礼貌，食物价钱属于亲民大众化嘅一类，抵食夹大件！
张贴
