川 (已結業)

是咁的，八年前啱啱搬到附近，想食串烧见到佢，就入咗去食发现串烧好好食，到而家八年过去，仔都五岁，就带埋仔仔过嚟食啦。而讲到我嘅推介，就系鸡髀肉、鸡翼、鳗鱼、墨鱼丸、金菇肥牛卷，同埋乌冬。鸡髀肉上边有白芝麻，咬落咸咸甜甜，肉质非常弹牙。而鸡翼外边脆皮，入边有肉汁。佢哋嘅鳗鱼选用左新鲜鳗鱼，脆皮，唔系日本嘅照烧汁，而系淡淡的盐味。墨鱼丸我觉得佢系用咗墨鱼胶，因为非常弹牙，仲有墨鱼软骨喺入边。金菇肥牛卷我本身系唔食嘅，但我老公觉得非常之美味，因为块牛肉系脆嘅，外边沾满酱汁，非常惹味。二乌冬就变咗系我仔嘅最爱，鲣鱼汤汁嘅乌冬，口感非常弹牙软滑。以前佢哋仲有部月光宝盒机，我仔会去打机，不过而家都坏咗啦。希望我可以继续食到佢哋嘅串烧啦！