euro go go

营业中

休息中

细个冇咩钱，食呢种快餐店食嘅西餐已经好开心，今次再黎euro gogo食下午茶，最钟意系佢嘅嘢饮，饮特饮食下午茶都只系需要加$8，好抵食。呢一杯忌廉朱古力十分香浓，加埋铺喺面嘅忌廉，卖相非常吸引，正价要30几蚊一杯，下午茶真系好抵饮。蜜桃茶甜度适中，系一杯消暑解渴嘅饮品，都系加$8。其实我觉得香辣鸡翼系好食啲，不过同小朋友食，就叫咗蜜糖鸡翼，我觉得比较水啲，唔够干身。carbona好稀，似系一个白汁意粉多啲，我觉得唔好食，完全唔系𠮶回事。焗三色薯皮就好正呀，有吞拿鱼、酸忌廉、芝士，焗得啱啱好，三个都好好味。今次叫咗两个茶餐，另外叫咗一个意粉，反而意粉令人失望，今次再嚟依间餐厅，发现好多意粉嘅菜式唔见咗，有少少失望。