影片
更多
2009-10-13
85 浏览
两年前食到成班朋友XYZ出晒,点知同阿火早两三个月前试试,又觉得水准回升返,就借"为食到新界"个名搅一次,又远又隔涉,都有十几人捧场,老板又著意留左几味菜,食得尽情又尽庆.可能生意太好,就连旁边另一舖位亦收归其下,老实讲是干净舒服得多,十六人一张大台亦不觉逼挟.红叮先行送上日本手信,再有子陵的弃餐酒转饭后果,实在有点惊喜.水瓜煮鱼鳔 : 盐爆鱼鳔爽口之余多了一朕海水的咸香味,再吸收肉碎汤的鲜甜,水瓜清新鲜嫩,可以话我每次必叫菜色.客家梅菜扣肉 : 虽不至于大荣华级数,但五层肉分明,入口软糯,送饭一流.鱼腐菜心苗 : 鱼腐可以话一般,鱼味唔浓,菜苗亦唔觉鲜甜,可能是货源的问题.客家咸鲜草鹅 : 第一次试,可以话有惊喜,咸香的鹅肉嫩滑,完全无常犯肉质死实的毛病,同咸鸡是两种不同风格.炸墨鱼枣 : 其实仲有一种虾枣,但店方好耐无做,只得墨鱼枣独挑大梁,墨枣新鲜热辣炸起,入口弹牙又充满墨鱼的味道,再蘸点甜酸汁就加好.红葱生爆吊桶 : 新鲜吊桶用红葱头,葱段及洋葱快炒,时间掌握得好,鱿鱼刚刚熟,墨汁将鱿鱼包裹,墨汁的鲜甜味将外表缺点盖过.炒鱼面 : 鱼面可以话系呢度名菜,用上大量洋葱丝,冬菇丝,
可能生意太好,就连旁边另一舖位亦收归其下,老实讲是干净舒服得多,十六人一张大台亦不觉逼挟.
红叮先行送上日本手信,再有子陵的弃餐酒转饭后果,实在有点惊喜.
水瓜煮鱼鳔 : 盐爆鱼鳔爽口之余多了一朕海水的咸香味,再吸收肉碎汤的鲜甜,水瓜清新鲜嫩,可以话我每次必叫菜色.
客家梅菜扣肉 : 虽不至于大荣华级数,但五层肉分明,入口软糯,送饭一流.
鱼腐菜心苗 : 鱼腐可以话一般,鱼味唔浓,菜苗亦唔觉鲜甜,可能是货源的问题.
客家咸鲜草鹅 : 第一次试,可以话有惊喜,咸香的鹅肉嫩滑,完全无常犯肉质死实的毛病,同咸鸡是两种不同风格.
炸墨鱼枣 : 其实仲有一种虾枣,但店方好耐无做,只得墨鱼枣独挑大梁,墨枣新鲜热辣炸起,入口弹牙又充满墨鱼的味道,再蘸点甜酸汁就加好.
红葱生爆吊桶 : 新鲜吊桶用红葱头,葱段及洋葱快炒,时间掌握得好,鱿鱼刚刚熟,墨汁将鱿鱼包裹,墨汁的鲜甜味将外表缺点盖过.
炒鱼面 : 鱼面可以话系呢度名菜,用上大量洋葱丝,冬菇丝,葱段及西芹丝同炒,香口又弹牙,同平常食到软绵绵的感觉是两回事,再蘸点辣油更加正
姜汁米酒煮猪腰 : 要预订的其中一味菜,先后要左两碟,先黎一碟米酒味比较轻柔,姜汁味亦唔突出,反而第二碟就好得多,猪腰更系啱啱熟,而'压'味亦去得几清.
沙姜焗猪粉肠 : 好正,沙姜味完全沁入粉肠之内,软糯的粉肠用黎送酒就最好.
蕃茄豆卜煮杂鱼 : 以前会选用'蒙仔鱼",不过食过两次都好"腥",今次改用杂海鱼又好好多,一d都唔'腥'仲要鱼汤鲜甜,又有蕃茄的微酸.
黄酒煮鸡(炒)(一只) : 高水准菜之一, 鸡件充满红枣及黄酒的甜味,明显地唔系用砂糖夹硬逼入去,而系将前者的甜味用慢火逐少比鸡肉吸收,所以就连鸡骨都有味.其实仲有另一种煮法系放汤,不过我都系认为炒会入味d.
招牌菜~~~走地鸡 : 香港要食到走地鸡店舖唔多,呢度系其中一间,成只鸡一d肥油都无,鸡味浓郁,可以唔驶蘸姜蓉汁,而且虽然件头细,但真系值得试试.
煎蚝饼 : 有人话未上台都已经闻到蛋香同蚝的鲜味,蛋身比较厚,而且结实,蚝仔汁液充盈,一碟好"食送",真材实料加上用心去煮,就系咁简单.
苦瓜煲隔山 : 所谓隔山,即系猪既横隔膜,比较少见既一道菜,入口有点爽口,又唔觉有"酥"味,无乜特别,未食过都可以试下.
煎九棍鱼饼 : 单一鱼肉,并无加入其他杂鱼,肉质弹牙,鱼味鲜浓,但与另一味墨鱼饼比又好好多.
猪肉丸津白 : 唔系好大粒,猪肉食得出新鲜货,津白本身带有甜味,再加上猪肉丸放浓汤,而津白炆得够淋,已经好好食.
手撕鸡 : 比较失色既菜,但都有可取地方,奇怪地鸡皮系爽脆,鸡肉就比较粗糙,都系走地鸡好得多.
煎墨鱼饼 : 同样的墨鱼肉,今次改用煎饼上,感觉无咁好肉味,而且之前食过墨鱼枣,两者太似,而且相比下真系无咁好.
砵仔饭 : 当然无得同大荣华比,人地用上烧猪油,点都香口好多,不过砵仔猪油捞饭始终都系好少地方有得食,再加上呢度好多菜都系送饭送酒野,唔多唔少都要叫下.
前后食左有二十个菜,加上fraz 兄同james 兄带黎靓酒, 咁又一个开心晚上,埋单一人$160仲有找,所以有时食野唔系下下要贵要豪华既!
张贴
