圓老爺雞煲小廚 (已結業)

今日早咗放工，6点天仲好光既时候已经同同事去食饭，但我地太好倾喇，一食就食到个天黑哂至出嚟😆今次系为咗鸡煲而嚟，所以未睇餐牌已经点咗个啫啫滑鸡煲（＄78），仲点咗极品陈醋咕噜肉 （＄72）、香茅蒜香皇子鸽（＄58）、菌皇干烧伊面（＄88）同埋沙姜鸡脚（＄48）。既然为鸡煲而嚟，首先讲咗鸡煲先~佢配料足，嚟到既时候热辣辣香喷喷，d鸡同猪润都腌得好入味，好味到我地最后连配料都系食哂😋咕噜肉同皇子鸽既摆碟有花心思，好似幅中国画咁，仲会有留白既地方~干烧伊面既份量一d都唔吝啬，我地装完一碗又一碗😆令本身钟意食伊面既我好满足~沙姜鸡脚份量都唔少，如果味道再浓d就更正🤩