小瑪哥米線

营业中

休息中

记得以前有一排喺太古城返工，成日都会去阿诗玛食米线，贪佢环境阔落好坐之余又喺商场入边唔使走出去，但自从无响太古城返工之后都好少去𠮶头，前排㩒下Openrice 发现已经执埋，有啲可惜~ 点知居然俾我同老公误打误撞发现呢间米线舖，原来系同阿诗玛同一个班底~ 上星期同老公去湾仔有少少嘢买，买完之后行过呢间舖头，望落几新又系食汤米线，所以一于试吓~ 入到去见到啲介绍先知原来系同一间~ 由于我哋都费事谂食乜，就叫咗个二人餐气锅鸡套餐，气锅鸡除咗食鸡肉之外，重点系饮佢啲汤，加咗菇菌煮，令人饮落好舒服，鸡肉都非常嫩滑，我同老公好快就食晒全锅~ 小锅米线当然系必叫，酸酸辣辣啱晒我~ 总括嚟讲同我响太古城食过嘅味道都差唔多，回忆返哂黎~