Pause It

营业中

休息中

因为成日去旺角揾cafe坐所以知道有呢间餐厅今次去咗佢地北角嘅分店试下呢间分店嘅装修比较有少少工业风而且有对街坐位打卡都应该几靓一坐低已经帮我地湛水 （个人好睇入到去有无比水就知好无服务）叫咗三样嘢食 两杯饮品1️⃣凯撒沙律菜同酱汁都好平衡 唔使自己捞起因为已经捞好唒比我地 呢样嘢几好~ 佢嘅酱汁芝士味较重亦唔会好咸~2️⃣烟三文鱼班尼迪克蛋蛋嘅流心程度好出色 无多余未熟嘅蛋白只系蛋黄流心 不过略嫌个包比较干 而且个皮有少少硬 烟三文鱼嘅份量再多少少就好 3️⃣芝士黑松露薯条黑松露好多 芝士我估系车打芝士 酱够多所以令到食落去都唔会觉得太干 啖啖有酱系最正4️⃣红丝绒拿铁唔知点解饮落去有啲似好立克味 so far so good 啦 最欣赏系只天鹅！超打卡able! 5️⃣热朱古力少少失望 朱古力味好淡 不过拉花都系提升咗成件事！