聚鳥亭

营业中

休息中

由第一啖汤开始就不停充斥着此起彼落嘅哗～㖞～正～ 。食材新鲜程度简直就新鲜到过份！啲虾真系好好味！好新鲜！好弹牙！配合店家介绍嘅「日式鲷鱼白汤」，再加柚子醋豉油真系天作之合！柚子嘅酸加埋日式豉油嘅浅咸一啲都冇盖过海鲜嘅鲜味，反而柚子嘅酸嘅程度令海鲜嘅味道提升咗几个层次。（因为食材嘅新鲜料汁真系只需要最简单嘅配搭，只系柚子豉油加少少葱同埋炸蒜足已） 其他嘅都真系唔唔需要多讲。。真系睇相都睇得出𠮶种新鲜。 今次老板请食饭，另一个锅系浓猪骨汤底，店家介绍一定要用呢个汤底去渌面话会十分之挂面㖞～ 而呢个汤底都真系正如店家所说好浓郁画面程度同沾面有得挥。但如果可以加返少少黑蒜油同埋麻油就真系天衣无缝啦。 （纯属个人口味意见） 呢一间食完一次真系会想食第二次。唔啱！系一定会再食第二次先啱