車仔麵之家

营业中

休息中

细个住湾仔既我，最常帮衬既车仔面只此一间，食过呢间应该返唔到转头，好多时朋友话带我去食好出名既车仔面，食完我都失望，因为真心比唔上我食开既呢间“车仔面之家”。唔讲你唔知第一代出品系喺1970年代，历史悠久做到而家啊（劲）! 虽然店仔细冇位坐，但依然好多人帮衬，食晏时间唔洗讲排到乜咁啦！就算我呢日office hour 4点几去到都有唔少人帮衬。最推介系咖哩尤鱼，不过今日卖哂，下次请早，佢地既尤鱼有乜咁好食，就系用咖哩将尤鱼由生炒到熟，唔系求其6熟佢加啲汁俾你食啰，爽脆弹牙，正到爆，其次要提嘅系佢果pat秘制辣酱，出面我真系未食过咁香咁特别既味道，我点讲都冇用，几十蚊买碗试过你就知。今次虽然食唔到咖哩尤鱼，但其他必食既有鱼蛋，超弹牙，大肠好干净唔怕食到屎，好香好好味，仲有系酸斋或油斋，浸汤点辣酱，攞你命，我自己就食上瘾，勾魂车仔面唔系浪得虚名㗎 （笑）。