Gioia Charcoal Grill & Oyster Bar (已結業)

Honey周四放假，话想拍拖漫步海旁，所以就定咗喺坚尼地城约会 ，先喺一家开业只有个多星期o既西餐厅「Gioia Charcoal Grill & Oyster Bar」度食晚饭，之后再由西环慢慢行返去湾仔 。两口子六点半前到步，已见店子较暗o既左手一边坐有一枱十几人o既小派对，唔系咁方便四周影相。右边o既散座则被落地玻璃窗围绕，光猛得多。中央o既酒吧有多张高櫈，相信系为酒客而设。小情人食西餐，当然系要先开枝汽酒饮啦 ！跟住就每人点咗三道菜。慢煮鸡胸凯撒沙律（$98）：沙律爽脆鲜甜。意外地，白里透粉红o既慢煮鸡胸一啲都唔嚡唔干，连同沙律食，效果清新轻盈 。白酒车厘茄煮大蚬（$148）：此乃四款厨师推介菜式中其中之一 。大蚬肥嘟嘟，滑lut lut，极之鲜甜肥美。Honey拣饮「大蒜薯仔汤伴海胆」（$98），XO仔因仍为蒜疯狂 ，故坚决要食「蒜蓉多士配香草白豆酱，松露磨菇酱」。蒜蓉多士配香草白豆酱，松露磨菇酱（$48）：蒜蓉多士一客四件，多士条金黄亮泽，香脆松化。另加配草白豆酱及松露磨菇酱，细佬身为松露迷，当然净要后者啦 ！喺蒜香浓郁o既多士面涂满厚厚o既松露磨菇酱，香润得