南대門3號

营业中

休息中

久违嘅韩国菜！醒起好耐冇食过韩国菜，呢日就同朋友去咗尖沙咀韩国街食午餐～南대门3号由韩国人主理，店面及厨师都系不谙中英文嘅韩国人，不过餐牌都有写中文字，加上图文并茂，所以落单并唔系问题。午市套餐好抵食，不设加一。一坐低，店员就先送上三款韩式前菜，有泡菜、芽菜及翠玉瓜，呢排天气炎热，有酸酸辣辣嘅韩式前菜食特别消暑。紫菜包饭$56 一客有10件，每件都馅料丰富，有黄瓜、萝卜、鸡蛋、香肠、青瓜等等，色彩缤纷，令人食指大动！石锅拌饭$82石头饭都系我钟意嘅韩式料理之一，七彩缤纷嘅材料铺满在石锅上，再混合韩式辣酱，简单又惹味！拌饭嘅份量都非常慷慨，饭多材料又多，绝对饱肚。辣海鲜汤面$82好耐冇食过辣海鲜汤面，怀念嘅味道！呢碗辣海鲜汤面超级足料，海鲜铺到满满，有青口、蚬、大虾等，汤底入口鲜甜，既有海鲜嘅鲜味，又要蔬菜嘅香甜，微微带辣，好醒胃。