影片
更多
2020-12-03
2006 浏览
第一次食法国菜价钱每人唔洗一千蚊, 第一次由餐前小食赞到去甜品, 回味无穷! 听说呢间餐厅大厨大有来头, 曾于米芝莲餐厅学厨, 拥有丰富法国菜烹调经验, 当然试过佢厨艺就知佢名不虚传!餐厅面积不大, 好少可平日晚兼逆市中, 全场坐满食客, 而且位于登龙街地舖, 对于法国菜黎讲收呢个价钱的确有d惊讶~几乎每位客人都选择set menu, menu不定时更新, 今晚我地就叹左 Tasting Menu HK$680/位先送上前菜、餐饮【火腿配橄榄酱 配 牛角包】火腿咸香味偏重, 暖暖牛角包好酥化, 牛油味很重, 平衡了口中嘅"重口味”, 餐前小食已经咁有水准, 令人充满期待感~【皇帝蟹肉配海胆伴芹菜头泡沫】呢款绝对可以用"入口即溶"黎形容, 芹菜头制成沙律泡沫, 清新感令皇帝蟹肉更显鲜味, 海胆大大粒, 鲜甜无比。【烟熏油浸三文鱼配法国鱼子酱牛油果青瓜沙律】透明器皿罩住浓浓烟雾, 充满神秘感, 上台后店员协助将罩慢慢打开, 淡淡烟熏散发著, 北太平洋鱼子酱布上了经低温油封过嘅三文鱼之上, 尽显气派, 配上牛油果酱、青苹果沙律卷, 减少油封过三文鱼之油腻感。【北海道带子南瓜汤】带子表面被轻轻
听说呢间餐厅大厨大有来头, 曾于米芝莲餐厅学厨, 拥有丰富法国菜烹调经验, 当然试过佢厨艺就知佢名不虚传!
餐厅面积不大, 好少可平日晚兼逆市中, 全场坐满食客, 而且位于登龙街地舖, 对于法国菜黎讲收呢个价钱的确有d惊讶~
几乎每位客人都选择set menu, menu不定时更新, 今晚我地就叹左 Tasting Menu HK$680/位
先送上前菜、餐饮
【火腿配橄榄酱 配 牛角包】
火腿咸香味偏重, 暖暖牛角包好酥化, 牛油味很重, 平衡了口中嘅"重口味”,
餐前小食已经咁有水准, 令人充满期待感~
【皇帝蟹肉配海胆伴芹菜头泡沫】
呢款绝对可以用"入口即溶"黎形容, 芹菜头制成沙律泡沫, 清新感令皇帝蟹肉更显鲜味, 海胆大大粒, 鲜甜无比。
【烟熏油浸三文鱼配法国鱼子酱牛油果青瓜沙律】
透明器皿罩住浓浓烟雾, 充满神秘感, 上台后店员协助将罩慢慢打开, 淡淡烟熏散发著, 北太平洋鱼子酱布上了经低温油封过嘅三文鱼之上, 尽显气派, 配上牛油果酱、青苹果沙律卷, 减少油封过三文鱼之油腻感。
【北海道带子南瓜汤】
带子表面被轻轻煎至金黄, 内里keep到剌身般多汁, 鲜甜味十足! 配有炒杂菌粒, 淋上暖暖南瓜浓汤, 口感幼滑, 味道清甜, 正!
食物咁高质, 当然值得加钱追加!
自选 +$88【香草烟熏乳鸽配牛肝菌意大利饭】
比起平时食嘅中式全熟乳鸽, 肉质同味道大大不同, 色泽粉嫩, 肉质嫩滑, 烟熏味浓郁, 配上清甜无花果+红菜头, 平衡了烟熏咸香, 底部有少量creamy牛肝菌意大利饭, 丰富了整体层次。
自选main course, 我俩分别拣了唔同款可以share试试。
【立鳞烧甘鲷鱼配龙虾汁】
鲷鱼鱼鳞被炸至金黄香脆, 一刀切时脆得有声, 香脆鱼鳞令口感富有层次, 配上浓而不涩、入口幼滑嘅龙虾汁, 不但冇覆盖到鱼鲜味, 反而令味道更加提升。
另一款main course 【法式脊翼牛扒配香草牛油】
店员介绍特意拣左近牛肚位置嘅脊翼牛扒, 脂肪比较少, 建议5成熟, 肉味香浓, 配上自家秘制香草牛油、少量黑松露薯蓉、油封樱桃番茄、烤蘑菇、芦荀, 平衡浓郁肉味。
最后到甜品时间
【自家制「杏仁金砖蛋糕】
蛋糕有清香嘅坚果味, 分别加入左开心果、樱桃, 简单配搭, 味道清新。
【味噌朱古力挞】
上台后, 店员喷左少少清酒系挞表面, 不过食落就唔太觉有酒香味, 反而超喜欢软滑口感兼带少少咸嘅cream, 中和软心朱古力甜味, 就连挞底都系富有牛油香嘅朱古力挞黎ga~~
【慢煮士多啤梨焦糖炖蛋】
冻食炖蛋入口即溶, 蛋香味很重, 表面有薄薄焦糖, 焦糖下布了一层经慢煮嘅薄薄士多啤梨, 香甜软滑。
第一次食法国菜由头赞到落尾, 超水准质素, 对比其他法国餐厅黎讲, 价钱相对平d, 值得推介!
张贴
