申子居酒屋

营业中

休息中

申子一直都系我好钟意既其中一间日式居酒屋🏮食物质素高、服务周到，今次黎左铜锣湾分店食晚饭😋🔸申子和牛烧 选用鹿儿岛A4和牛，店员即场用火枪烧至客人想要既生熟度，我地让店员帮我地烧至最好食既状态，大约五成熟吧。和牛包住蛋黄同珍珠米既配搭几特别，和牛食落有油脂香、肉质极嫩滑，有少少入口即溶既口感，珍珠米大大粒捞上蛋黄好juicy。🔸海苔拖罗赤胆寿司 赤胆好新鲜，淡淡金黄色，味道带浓郁既海胆味，口感丰厚饱满；拖罗蓉香滑，唔需酱油已经好有味。🔸和牛寿司有炙烧过，和牛香浓，食落满满油脂！🔸汁煮左口鱼裙边卖相好靓，左口鱼好鲜嫩，系我好中意既一道菜，酱汁调得酸酸甜甜好搭，配上三文鱼籽、黑鱼子一齐食，口感丰富。🔸海老天妇罗惊喜位系原条大虾上😍虾壳有清理过，再驳上虾身炸至金黄色，酥脆而不油腻，虾肉亦几弹牙。仲有炸金菇、炸鸿喜菇，味道亦好鲜甜。我地都几钟意呢到既环境，简约舒服。店员们都好有礼貌，招呼周到💛下次再访！