愛文生

营业中

休息中

朕一向都钟意寻找好食既小店，由其系同一班遮民去食饭，朕就最爱食啲锅气小炒，饮个啤酒，大排档系朕既首选！而今次朕就打听到深水埗有间几十年老字号大排档－爱文生，就算系闲日都人山人海，人流骆驿不绝，于是朕就同几个遮民去试下！朕行到附近己经见到好多人，佢地唔止一个铺位，遮民行埋去问店小二有无位，店小二就叫左我地过隔离铺，有张四人枱刚好结帐，咁朕就紧系坐低睇下食咩啦！一黎朕就叫啲香口野做下佐酒小食先，就要个椒盐炸鲜鱿同埋烧乳鸽。椒盐炸鲜鱿新鲜热辣上枱，鲜鱿上面扑上薄薄一层生粉，仲有淮盐，炸到金黄色，再喺上面加上椒丝同埋葱花，鲜鱿食落弹牙香口，外层薄脆，酥化而不油腻。非常惹味，佐酒佳品。红烧乳鸽，脆皮香口，肉厚而嫩，肉质鲜美，用手撕来吃，一边啤酒吹水，人生一乐也。黑椒咸猪手，差不多枱枱客都有叫，呢个又系佐酒好选择，朕当然唔会错过啦，黑椒咸猪手上枱时，块铁板热到啫啫声，只猪手大过朕既拳头，切开个阵时己经感觉到猪皮既烟靭，肉身亦都好腍，食落猪手非常惹味，黑椒汁好香，剩系个猪手，己经够朕一行人每人叫多一支大啤！真系好邪恶！！！大杯酒大块酒之后，就紧系要食番啲菜平衡下啦，呢个什箘菇扒时蔬，清清地，份量都好