影片
更多
2020-07-12
73 浏览
系大角咀踢完波谂住揾间茶记食饭，见到呢间港原味装修都几特别，俄籍喷画家将昔日香港风情化成壁画，招牌菜仲有好耐冇食嘅咖哩农夫包，即刻入去坐低。🍴足料靓汤（跟餐） HK$8是日靓汤系西洋菜汤，清甜唔油腻，啲菜都几多。🍴男人干脆的浪漫 HK$88店员话呢道菜其实系豆腐火腩饭嘅变奏版，火腩皮肉分开炮制，皮用明火烘干，份外香脆，肉经过高温油炸，又香又腍，可惜只系得面头两大块皮系烘脆，其余就同普通火腩饭一样炆腍晒，酱汁唔会过咸，送饭一流，豆腐炸过，入面依然好滑。🍴芝士咖哩鸡扒焗饭 HK$73一心谂住食咖哩农夫包，点知卖晒，好失望，唯有叫个咖哩焗饭顶住先。即叫即焗，都几大份，芝士几香，咖哩系港式，味道稍欠层次，睇图见到农夫包咖哩深色啲，唔肯定系咪一样。鸡扒几嫩，炒饭底唔错，粒粒分明唔会湿，有蛋香。🍴雪山红豆冰（跟餐） HK$10点果时以为系雪糕，原来只系忌廉，红豆几足料，整体奶味较重，大杯啲会好啲，有啲唔够喉。🍴冻特浓咖啡（跟餐） HK$3比一般茶记更浓，冇乜酸味，唔错。📍港原味大角咀福泽街18号利奥坊地下G701号舖
🍴足料靓汤（跟餐） HK$8
是日靓汤系西洋菜汤，清甜唔油腻，啲菜都几多。
🍴男人干脆的浪漫 HK$88
店员话呢道菜其实系豆腐火腩饭嘅变奏版，火腩皮肉分开炮制，皮用明火烘干，份外香脆，肉经过高温油炸，又香又腍，可惜只系得面头两大块皮系烘脆，其余就同普通火腩饭一样炆腍晒，酱汁唔会过咸，送饭一流，豆腐炸过，入面依然好滑。
🍴芝士咖哩鸡扒焗饭 HK$73
一心谂住食咖哩农夫包，点知卖晒，好失望，唯有叫个咖哩焗饭顶住先。即叫即焗，都几大份，芝士几香，咖哩系港式，味道稍欠层次，睇图见到农夫包咖哩深色啲，唔肯定系咪一样。鸡扒几嫩，炒饭底唔错，粒粒分明唔会湿，有蛋香。
🍴雪山红豆冰（跟餐） HK$10
点果时以为系雪糕，原来只系忌廉，红豆几足料，整体奶味较重，大杯啲会好啲，有啲唔够喉。
🍴冻特浓咖啡（跟餐） HK$3
比一般茶记更浓，冇乜酸味，唔错。
📍港原味
大角咀福泽街18号利奥坊地下G701号舖
张贴
