基隆茶餐廳

营业中

休息中

行完电脑商场，就喺附近揾间茶餐厅食下，好耐都冇食过茶餐厅，唔系因为太贵，就系因为扮怀旧扮冰室。呢间以前都有食开，水准都keep得好。干炒猪扒一丁去到茶餐厅就梗系要食炒出前一丁啦，炒一丁就最试到厨师真功夫，配埋猪扒啱哂。份量啱啱好，唔会太细份又唔会太大，猪扒唔韧！ 仲炒得好香添，推介想食炒一丁嘅可以去试吓。吞拿鱼三文治下午茶餐由于朋友唔系好肚饿，所以食份三文治餐，吞拿鱼三文治都唔错，沙律都几好味。吞拿鱼同沙律酱捞埋一齐食又几新鲜。顺带一提，佢啲碗碟洗得好干净，可以睇吓冻柠水个杯，啲餐具唔会黄咁咁，食都食得放心啲。