影片
更多
2021-12-13
327 浏览
几廿年老死急call,话想揾个地方倾下计,我家大人好识做立即放人,于是落左琦兴.落到去,老死已经到左,仲买定左半打黑啤等紧我,佢个样仲黑过黑啤.佢话,近来饮得多,买到连北河街有间酒铺卖得平都知,熟晒行情咁话.原来佢又无因为政见同移民问题同老婆嘈,佢想移民英国.佢老婆全家系大陆唔走.7年前开始分歧,2年前系佢老婆口中听过无数恐布既说话,觉得好似鬼上身,又好似根本唔认识眼前啰个人.呻都会饿,叫d野送下苦水.蜜椒薯仔牛柳粒,薯仔有煎香,牛柳几焾,浓味香口,送饭应该唔错.大豆芽炒猪肠.猪肠够肥,大豆芽爽脆,唔错.七味鸡中翼,炸脆既鸡翼洒上七味粉,鸡翼外脆内滑.蚬蚧鲮鱼球,点蚬蚧超好食.椒盐鲜鱿,外脆得黎鱿鱼唔硬,送酒一流.唔知系咪平日佢对住佢老婆食唔落饭,今日食晒都话唔够,再叫多半只花甲辣鸡煲,花甲卖晒,老板话仲有三只贵妃蚌,比埋落去.小辣的确唔够辣,但都几香,鸡本身炒熟左,一滚起就食得.鸡都ok滑,熄火浸住唔会鞋晒又入味,贵妃蚌好新鲜,沾左辣汁,鲜甜得黎又辣辣地.佢仲话想叫火锅料,我已经饱到坐唔直.连送既糖水都食唔落 .边食边讲,饮下苦水,吐下苦水,不知不觉夜已深.问老死决定点,佢话:应该完
话想揾个地方倾下计,
我家大人好识做立即放人,
于是落左琦兴.
落到去,老死已经到左,
仲买定左半打黑啤等紧我,
佢个样仲黑过黑啤.
佢话,近来饮得多,
买到连北河街有间酒铺卖得平都知,
熟晒行情咁话.
原来佢又无因为政见同移民问题同老婆嘈,
佢想移民英国.佢老婆全家系大陆唔走.
7年前开始分歧,
2年前系佢老婆口中听过无数恐布既说话,
觉得好似鬼上身,又好似根本唔认识眼前啰个人.
呻都会饿,叫d野送下苦水.
蜜椒薯仔牛柳粒,薯仔有煎香,牛柳几焾,
浓味香口,送饭应该唔错.
大豆芽炒猪肠.
猪肠够肥,大豆芽爽脆,唔错.
七味鸡中翼,炸脆既鸡翼洒上七味粉,
鸡翼外脆内滑.
蚬蚧鲮鱼球,点蚬蚧超好食.
椒盐鲜鱿,外脆得黎鱿鱼唔硬,送酒一流.
唔知系咪平日佢对住佢老婆食唔落饭,
今日食晒都话唔够,
再叫多半只花甲辣鸡煲,花甲卖晒,老板话仲有三只贵妃蚌,比埋落去.
小辣的确唔够辣,但都几香,鸡本身炒熟左,
一滚起就食得.
鸡都ok滑,熄火浸住唔会鞋晒又入味,
贵妃蚌好新鲜,沾左辣汁,鲜甜得黎又辣辣地.
佢仲话想叫火锅料,我已经饱到坐唔直.
连送既糖水都食唔落 .
边食边讲,
饮下苦水,吐下苦水,不知不觉夜已深.
问老死决定点,
佢话:应该完结既时候就应该完结.
张贴
