快靚正燒味粉麵茶餐廳 (已結業)

陪老爸逛深水埗北河街买电话卡， 先知道原来电话卡系可以 有咁多花款同埋咁平。唔觉唔觉行到黄昏， 不如食个早饭，对身体都健康啲。一见到呢个门面，老爸就话食烧味， 呢间舖头好大有两边舖， 入到去姐姐就话茶餐厅𠮶边凉啲, 于是我哋就去咗左边𠮶间铺坐低。深水埗畀我感觉都系老人家多, 感觉系残旧的， 但当我坐低咗发觉四周都异常干净，最出奇系有 网上外卖平台纸袋， 果然好新潮。食好啲， 老爸叫咗烧鹅髀饭，我叫咗乳猪三宝饭，就送来一碗例水， 呢碗汤真系好住家，完全冇味精，赞。开饭喇， 一人一碟碟头饭，$ 65蚊一大碟， 份量超级多，好好食…… 我啲乳猪超脆， 烧鹅好香， 仲有油鸡都好滑， 值得一提嘅系年青老板重过嚟同我哋倾下计， 佢有介绍佢哋舖头自设烧炉， 绝对唔系来货加工， 食物质素卫生有保证 。 佢亦都会问下食客意见，员工招呼都好好， 烧味界来讲真系好有heart。由于烧味太好食， 于是买咗烧腩同叉烧返去宵夜。 所以差唔多全部烧味都食匀晒， 诚意推介烧腩。