富都茶餐廳 (已搬遷) 新店位置

今日放工一支公，黎到众安街揾食，富都茶餐厅真系不错选择，66元 有白饭 有炖汤饮，啱晒今日无汤水饮的我，黎到最好问下仲有无炖汤，呢到服务几好，原本餐牌系送例汤，佢如果未买晒会免费改俾炖汤你，今晚炖汤系虫草花排骨汤，汤清而香，无味精靓汤，叫左啫啫鸡煲，我真系无肉不欢，呢款煲仔菜系冬天食最wram啦！啫啫鸡煲的精髓，在于不是鸡，而是配菜的猪润，葱头，蒜头，姜片，同镬气！缺一不可，鸡肉爆得好嫩，细细件份量多，大家可能觉得我夸左，不过佢真的有老师傅味道，而且我今日系星期二平日来晚餐，但劲多客，特别系一个人的客，枱枱有客人，仲要搭枱呢（像我）。最快卖晒系原条蒸鱼，不过我唔好鱼，所以唔关我事，因为食物足料，炖汤出色，服务都唔错，所以决定好野要让更多人知