多利蘿瑪排骨之家 (已結業)

因为有张 $100 既 coupon，而男友又生日，咁就念住用左佢。Book 左枱，又早到左，所以有得坐窗口位，影相出黎系几靓架。坐低，叫左两杯 Ice Lemon Tea，个时仲系 Happy Hour 买一送一，念住饮哂杯茶就叫cocktail，点知佢不停 refill，算啦，悭返！张coupon 要满 $300先减 $100，另外要叫佢地既新菜。咁我地就叫左一个虾头盘，有六只虾，好味呀，仲有d配菜，好开胃。而每枱都有面包配蒜茸牛油！之后叫左个 Ceacer salad，男友唔食生既菜乜滞，但对 Ceacer沙律又 OK wor ，所以专登叫比佢，等佢食多d菜。主菜有 半份Ribs 加烧鸡配2支粟米，叫个时，问个男仔侍应烧鸡系半只定全只，咁佢话系鸡脾，咁我地ok，因为惊食唔哂麻。点知出到黎系半只㖞 ，哈哈。个Ribs 淋到唔驶切都撕到d肉出黎，唔知佢点整到咁淋呢？梳打粉？真系唔知喇，不过 OK 既。半只烧鸡，鸡胸位置d肉整到好嫩，平时食个d唔系咁加麻，正！最后用埋 coupon 埋单 $300。