江記

营业中

休息中

年初已经想黎食，突然有好长时间冇开，搞到另一半啰啰挛，最近黎过街市几次，又因为我而去左老板娘，所以滴哂汗都要揾日陪下佢。而家天时暑热靠几把牛角扇真系几难顶，起码要过左夏天先再讲对另一半而言，江记系佢嘅童年回忆，大大话话食左廿几近三十年，虽然味道上都会有少许转变，但感觉依旧。就算隔几耐黎，老板都会认得打个招呼，又记得你食开啲乜，我谂呢啲就系大多数人口中嘅情怀。铺头位于香车街街市，家庭式经营几十年，只卖上海面、云吞、凤爪、榨菜肉丝、牛腩。我地两个每次黎都系叫同一样野，榨菜肉丝云吞米、净爪。榨菜肉丝云吞面佢哋嘅面好烟韧，先渌好再过冷河再放热汤，利用冷热水嘅交替，保留面弹性，口感非常好。呢度云吞极细粒，皮较厚但够滑。自己钟意榨菜肉丝味道，少少咸但就令碗面冇咁寡，记得叫老细加咸菜，再加埋辣椒油，正蚝油凤爪试过买过俾好多朋友食，个个都问我喺边买，要encore咁话。呢度嘅凤爪炆得好淋，但又唔会咬落去散晒，仲可以有𦧲骨嘅感觉，而且好入味，一碟基本上唔够，每次都食够两碟先收手顺带一提，呢度系冇饮料供应，可以叫隔离茶档嘅咖啡、奶茶、汽水等，我最钟意柠廉！