影片
更多
2024-08-26
558 浏览
我男朋友之前好耐都成日同屋企人或者朋友嚟呢间旺角创兴广场嘅【盈馆】食饭或者饮茶吹水。跟住今次系第一次男朋友带我嚟呢度食晏。嚟到呢度俾我嘅第一印象就系好华丽嘅广式酒楼，环境好干净。男朋友叫咗佢最爱嘅【食神叉烧饭】而且仲系大大碗，份量真系好多，而且只系 $48。入面嘅小白菜好鲜甜，叉烧嘅风味都好足，成碗饭好香甜，跟住有咸蛋提少少咸，令到味道更加丰富。我哋呢度仲叫咗点心必食嘅菜式，烧卖【怀旧烧卖王】同虾饺【晶莹鲜虾饺】。佢哋嘅烧卖肉味十足，入口好饱满，肉味好香滑，而且口感好弹牙。而虾饺味道好鲜美，虾饺皮好薄，料俾得好足，一啖咬落去可以食到满满嘅鲜虾味充满晒成个口腔。【雪花墨西哥餐包】我个人都非常推荐！！！牛油味包住成粒包，而且同叉烧好夹，好好味！！！虽然系第一次嚟，但系我明白到点解男朋友可以咁钟意嚟呢度，啲嘢食真系好好味！
嚟到呢度俾我嘅第一印象就系好华丽嘅广式酒楼，环境好干净。
男朋友叫咗佢最爱嘅【食神叉烧饭】而且仲系大大碗，份量真系好多，而且只系 $48。入面嘅小白菜好鲜甜，叉烧嘅风味都好足，成碗饭好香甜，跟住有咸蛋提少少咸，令到味道更加丰富。
我哋呢度仲叫咗点心必食嘅菜式，烧卖【怀旧烧卖王】同虾饺【晶莹鲜虾饺】。佢哋嘅烧卖肉味十足，入口好饱满，肉味好香滑，而且口感好弹牙。而虾饺味道好鲜美，虾饺皮好薄，料俾得好足，一啖咬落去可以食到满满嘅鲜虾味充满晒成个口腔。
【雪花墨西哥餐包】我个人都非常推荐！！！牛油味包住成粒包，而且同叉烧好夹，好好味！！！
虽然系第一次嚟，但系我明白到点解男朋友可以咁钟意嚟呢度，啲嘢食真系好好味！
张贴
