牛牛日式火鍋放題 (海之戀商場) (已結業)

上星期系男朋友生日，比佢话事佢话想食打边炉，跟住就拣咗荃湾呢间日式火锅放题食嘢。价钱方面又唔算太贵㖞，假期都系三百几蚊，重点系真系好多野食，而且食物嘅质素又唔差，都几高质。因为我本身唔食牛肉，所以就集中食佢哋嘅澳洲绿草原羊肩肉同丹麦豚腩肉。两者都摆入麻辣汤底之后都好入味。我叫𠮶个汤底系药膳麻辣锅，有好香嘅药材味道，同埋真系好够香同够麻辣，不过值得一赞嘅就系饮完唔会话好口渴，唔同出面啲味精汤底即刻要饮好多水。朋友就叫左极之鲣鱼锅，佢话清清淡淡好啱佢，佢就最特别推介极上牛舌啦。