幸拉麵 (已結業)

呢间喺炮台山嘅拉面店喺友邦广场嘅后面，唔系行错路都唔知呢条巷有好多食店啊，谂咗阵决定去食拉面！( •̀ .̫ •́ )✧ 舖头唔算好大，但我六点半嚟食唔洗排队，全程都见到拉面师傅好用心煮嘢食！首先叫咗支可乐，唔知系咪嚟自日本呢，佢特别有气，真系好饮啲！（朋友都有一样感觉）然后重头戏就系呢碗：赤豚拉面！其实佢系蕃茄底，汤里面有唔少蕃茄蓉，仲有少少辣，第一次食嘅拉面系酸酸辣辣，竟然唔会好奇怪，而且好开胃！钟意食幼面嘅我食到赞不绝口，特别系呢块大大大嘅豚肉，又系我嘅第一次啊！仲有另一个第一次！糖心蛋中间有一半都系流心嫁🤩就好似食紧小笼包咁，咬少少已经好多汁弹出嚟！呢碗面比咗好多第一次嘅感觉我，食完真系有少少幸福啊(❁´ω`❁)