Sodam Chicken (已結業)

早前收到Sodam Chicken 中环店嘅试食活动邀请，所以就约埋另外三位朋友一齐去食晚饭。我地order咗一个二人咸蛋黄炸鸡套餐，食物包括咸蛋黄炸鸡同蜜糖芥末炸鸡各五件(另外有其他口味选择)、水冷面同炸薯条，仲包两杯饮品。因为我地有四个人，所以额外再order咗一个辛辣焗鸡同墨鱼炒年糕。先讲炸鸡嘅味道~炸鸡嘅外皮炸得好脆，而且调味都够浓味，我个人觉得最好味嘅系蜜糖芥末炸鸡，因为味道甜甜辣辣，食落唔会太腻；其实咸蛋黄炸鸡味道都相当唔错，好香口，食到有一粒粒咸蛋黄，不过味道比较浓，所以未必食到好多件，不过一大班朋友share就可以小吃多滋味！炸薯条都好味，上面加咗紫菜碎够惹味~ 至于辛辣焗鸡辣椒味好浓，系香口嘅，肉质都好嫩滑，不过我个人认为辣咗少少 ~ 墨鱼炒年糕嘅配料好丰富，墨鱼爽口，年糕有嚼劲但系又唔会太硬，辣度刚刚好，相当唔错！饮品方面我地order咗Apple cider、青苹果啤酒、水蜜桃啤酒同Lemonade。水果啤酒嘅味道都唔错，不过略显水果味唔够浓，其他饮品嘅味道就不过不失喇~ 不过值得一赞嘅系餐厅提供好多种类嘅饮品任君选择！整体黎讲，我觉得呢间餐厅嘅食物质素同环境都