Cafe Paradise (已結業)

同女朋友撑枱脚，见到界限街的cafe paradise 晚餐有德国猪手食，就谂住入去试下。入门口见到佢有好多客人留低的相片，睇来真系好多人帮衬下哦。餐汤沙律都几靓仔，是日餐汤系意大利野菜汤。野饮要左冻柠茶，好爽口。德国猪手，脆皮，肉厚，配有薯蓉，烧汁另上，感觉不错。食极都有，d肉质好嫩，好够味。尤其喜欢猪手的脆皮，十分香口，不会太硬，恰到好处。最后系套餐配的抹茶雪糕，如果加钱还可以换朱古力心太软，我地饱饱地，所以就只是食抹茶雪糕，浓郁的抹茶味在猪手之后，绝对合适。