影片
更多
2022-03-27
218 浏览
疫情持续左两年有多， 试过中左招唔出得街，而家有抗体，更加唔想留响屋企！当然如果我自己一个住就应该唔同讲法。咁黑仔今朝一擘大眼见到成个厨房水浸，搞到一朝早起身就系咁喺度索水拖地，搞咗成两粒钟先可以出门口，连个天都唔钟意我😭琴晚已经谂好今日嘅行程，系比原定计划迟咗少少。呢间Cafe其实系佐敦另一间good day 嘅姊妹店,佐敦𠮶间我去过一次,虽然地方好细,但系好有佢嘅特色. 我记得当日我行到身水身汗，等咗一轮先有位坐，个店长都好有礼貌同我推介有咩啱我，今次嚟到佢嘅姊妹店反而冇去佐敦𠮶间咁有亲切感。因为上次食过一款夹包好食，（好有日本嘅感觉）冇平时𠮶啲三文治咁大份，可以俾我呢啲眼阔肚窄嘅人试多样野。今次我以为自己叫返同一样嘅夹包，点知嚟到都系俾咗份三文治我，等我仲嗌多咗款甜点饱到上心口。虽然佢份三文治系好新鲜好Fresh，个presentation亦都好好，唔知点解佢可以整到份烘底三文治上左枱之后仍然咁香脆。本身我系想叫佢嘅scone 点知又冇，胡乱咁样点左一款奶油曲奇🍪，点知劲多油，除咗包住曲奇𠮶张鸡皮纸索晒油，连佢俾我𠮶两张餐纸巾都沾满晒油！🥵感觉唔系太良好，好邪恶咁。可能佢帮我返热
当然如果我自己一个住就应该唔同讲法。
咁黑仔今朝一擘大眼见到成个厨房水浸，搞到一朝早起身就系咁喺度索水拖地，搞咗成两粒钟先可以出门口，连个天都唔钟意我😭
琴晚已经谂好今日嘅行程，系比原定计划迟咗少少。呢间Cafe其实系佐敦另一间good day 嘅姊妹店,佐敦𠮶间我去过一次,虽然地方好细,但系好有佢嘅特色. 我记得当日我行到身水身汗，等咗一轮先有位坐，个店长都好有礼貌同我推介有咩啱我，今次嚟到佢嘅姊妹店反而冇去佐敦𠮶间咁有亲切感。
因为上次食过一款夹包好食，（好有日本嘅感觉）冇平时𠮶啲三文治咁大份，可以俾我呢啲眼阔肚窄嘅人试多样野。今次我以为自己叫返同一样嘅夹包，点知嚟到都系俾咗份三文治我，等我仲嗌多咗款甜点饱到上心口。虽然佢份三文治系好新鲜好Fresh，个presentation亦都好好，唔知点解佢可以整到份烘底三文治上左枱之后仍然咁香脆。
本身我系想叫佢嘅scone 点知又冇，胡乱咁样点左一款奶油曲奇🍪，点知劲多油，除咗包住曲奇𠮶张鸡皮纸索晒油，连佢俾我𠮶两张餐纸巾都沾满晒油！🥵感觉唔系太良好，好邪恶咁。可能佢帮我返热左啦。
虽然餐厅周围都有温馨提示叫我哋要enjoy唔好睇电话平板，但系我谂都好难做得到，又要打卡影相，如果唔睇手机唔通睇吓书？但系你见到出面啲人排晒队你又点好意思喺度睇书？或者平日佢哋可能会好啲挂
整体感觉都系佐敦𠮶间好啲，虽然呢一间土瓜湾店对我来讲系方便啲！
奶油曲奇
13 浏览
0 赞好
0 留言
张贴
