芝加哥串燒酒場

周末去兰桂坊放松下，喺附近揾吓有咩食嘅时候见到呢间餐厅都几特别，仲要有串烧咁就入去试吓。去到兰桂坊梗系要饮啤酒啦，佢呢度枱同枱之间都有一定距离私隐度都几好，边饮边点嘢食。纸鹞鸡皮 一定系必点嘅， 佢呢度都做得几够脆。盐烧鸡软骨系啤酒嘅最佳拍档，另外叫咗两串牛都几好食都好重牛味，培根车厘茄卷酸酸甜甜都好好味。海鲜就叫咗芝士大虎虾都好大只，上枱𠮶阵时劲香烧烤味闻到都流晒口水。另外叫咗冷盘日本矶烧鲍鱼，日式嘅渍法都几入味。仲有我最爱嘅啖啖肉，我推介宫崎去骨鸡腿佢啲肉烧得好腍，同埋鸡皮都烧得好香口。烧羊架配埋佢个酱汁我觉得都几啱口味，牛油果豚肉烧同荔枝豚肉卷食落去都好相近，招牌鸡皮墨鱼滑卷都几弹牙， 总之成枱嘢食就系好开心。最后当然唔少得要食烧蔬菜啦，烧大啡菇超正一咬落去个菇味好浓郁，粟米烧、玉子烧、芦笋烧、烧尖椒串 全部都好好味。芝士年糕亦系另一样必要嘅嘢， 点埋炼奶甜甜地超级好味。