留白冰室 (已結業)

呢间餐厅自从由留白居酒屋转型变成而家嘅留白冰室，就成为咗我哋一家人嘅食堂，一个星期好多日都会嚟食早餐，有时晚晚又懒得煮饭，就嚟呢度啦，哈哈！呢度嘅环境比旧式茶餐厅舒服好多，亦好干净虽然食物种类唔算多，但有啲食物都好有创意。今晚又系懒懒地嘅日子，小朋友最钟意白汁猪扒意粉，每次都可以食哂一大碗，意粉软硬啱啱好，有啲餐厅嘅意粉太硬，唔啱细路仔，份量都唔少，我同小朋友分享一碟就饱晒。另外，蕃茄牛肉意粉，味道意外地好好食，冇喺其他地方食过，唔知系唔系留白自创嘅🙈🤣！？基本上，每碟意粉都有上蕃茄汁，好唔错呀我哋最钟意坐喺外面嘅位，最近天气有啲风，好舒服。其实最紧要系可以睇到车，唔使每次食饭都提心吊胆～怕被抄牌，哈哈！推介俾各位司机啦。