EXP

营业中

休息中

买咗戏飞喺又一城睇戏，晚餐就决定去佢隔离嘅exp用餐～虽然都几多人排队，但可能我哋系两个人嘅关系，好快就有得入座。打开餐牌，见到张图写住喇沙韩式年糕😲两样都系我喜欢嘅食物，不过将佢哋搭配埋一齐真系好少见，所以就点左佢黎食。出奇地烟烟银银嘅年糕，点上辣辣地嘅喇沙酱都几好食，而且味道都几夹～虽然佢算系一款小食，但系份量都唔少㗎👍🏼大虾豆角炒饭呢个炒饭都系有少少辣，不过值得赞嘅系佢唔算好油。大虾都有三至四只，用豆角嚟炒饭，令到成碟饭味道更香。而且份量都系几多，我哋两个人食平均都会食到两碗。😋软壳蟹炒面呢个就有啲失色，令成餐饭扣左少少分。虽然软壳蟹炸得香脆，但系炒面就好油，味道酸酸的，食落奇奇怪怪，同软壳蟹唔系好夹。建议可能嗌下其他Pizza会更好。