粵軒

营业中

休息中

又是每月一餐的时候，今次到大围食粤菜，订了5位8点，到了大围，有两间舖既喂＠＿＠！入了其中一间问，才知都是粤轩，只是分了两个舖位。 两间舖位都是小小的店子，因为是平日，唔太多人又唔嘈，都几好呀。 餐牌，即睇有咩食，我们有5人，每人拣一个小菜。 青岛，$32，啤下佢。 黄金茄子肉﹐＄70，讲起来，呢期真系到处咸蛋热，不过咸蛋茄子一早已经存在了，一条条金黄色的茄子，好大件，面层有粒粒的咸蛋碎，入口味道咸香﹐茄子口感软嫩，几好味呀。 特色冰梅骨，$98，份量多，好大件，味道酸酸甜甜，食一件几好味，但食多件就开始觉得太浓味。 豉椒牛仔粒煎米粉，＄118。 人气之选，卖相吸引，同两面黄有异曲同工之妙，煎米粉口感香脆，够干身唔算好油腻，味道同豉椒排骨炒面极为相似，十分浓郁的味道，但略微咸了一点，牛仔粒份量适中，味道不俗。 椒盐脆皮豆腐，$70，一样系份量多，口感香脆，内里豆腐滑，椒盐味强烈，食落都几咸呀。 陈皮煎藕饼，$80，好大件藕饼，肉厚多汁，好香口，有一粒粒清甜爽口的莲藕粒，味道不俗。 整体来说食物味道略微偏咸，环境都算坐得舒服，态度几好，价格尚算合理呀。