味廚小館

营业中

休息中

攞完月饼顺路食个晚饭，拣咗食味厨，朋友话前几日嚟食过几好食㖞。餐牌选择好多，睇咗都好一阵先决定食咩。⭐凉瓜斑腩饭最后叫咗个凉瓜斑腩饭，一上枱，觉得个酱汁咁多咁厚嘅😅凉瓜爽口唔苦，斑腩炸得外脆肉嫩，质素其实唔低，但败笔在酱汁太咸，食咗几口觉得个凉瓜同斑腩都好咸，而且饭份量比较少，几啖就食完了。⭐水煮牛肉饭朋友叫咗水煮肥牛饭，个𩠌相当大兜，肥牛片超多，下面仲有啲大豆芽，麻麻辣辣都几好食嘅，不过同样都系太咸，师傅真系唔使咁重手嘅。⭐冻柠茶餐饮叫咗冻柠茶，一杯少冰一杯走甜，正常发挥啦。几十蚊𠮶餐又有得用八达通付款，都冇乜好投诉啰，试下无妨呀。