勝香園

营业中

休息中

每过一段时间就会挂住胜香园d野食。尤其个奶油脆脆。呢间胜香园都可以话系一个传奇，客似云来嘅大排档，主要卖d番茄嘅粉面食。之前食过几次都好多人大排长龙，今日比较好彩唔驶排队，好快就有位。嚟到胜香园必然要食翻个番茄牛肉面，仲有要一杯咸柠七。另外老婆要咗份奶油脆脆，同埋冻奶茶。由于我地两个人先叫一碗，所以个姐姐好快拎咗个碗俾等地，但只碗个边明显有d番茄酱无洗干净。其实我本身系唔钟意食番茄嘅，但通常一年半载先会去食一次。送到嚟，如常都系一遍红色，好多番茄，d牛肉都几嫩滑。奶油脆脆，好味如常，好香脆，配d炼奶唔会太干。两杯野饮都好唔错，比外面一般嘅餐厅好。总括嚟讲，好食，排队都值得，但卫生条件比较差。如果系游客都几值等一试。