Opa Mediterranean Bar and Bistro (已結業)

系尖沙咀觅食既时候比呢间蓝白外墙既餐厅吸引左，于是就入左去试下，发现佢地主打地中海希腊菜，难怪会用蓝白色做主题啦！一入到去发现餐厅充满异国风情，仲有唔少位置适合打卡，最啱同朋友黎影返几张相！Margherita pizza饼皮系薄既个种，两个人食都唔会太饱！一上个时十分松脆，超多水牛芝士，加上罗勒叶既香气，令人回味无穷，而且啲车厘茄咬落去个时仲会爆汁，唔想食太heavy既pizza个时呢个都系唔错既选择。Mixed seafood skewers系一串有大虾、吞拿鱼、三文鱼既串烧，再加上啲配料例如洋葱、青椒、辣椒等。最中意既系三文鱼，煮到啱啱好鱼肉仍然好嫩滑，充满肉汁。而下面就配左两块pita bread，入面有少少沙律酱，用黎包住啲鱼肉同配料食都好夹架！Santorni呢杯cocktail有柠檬同菠萝汁，所以味道酸酸甜甜，容易入口，加上上面个层foam，饮落去几有层次。