正宗印度餐廳及酒吧 (銅鑼灣道)

营业中

休息中

放假谂住去铜锣湾搭船睇下风景，去之前当然要医下肚先，拣咗平日好少会食到嘅印度菜。餐厅地方比想像中浅窄，色调以黄色同蓝色为主，都几鲜明易认。-餐汤初初见到餐汤嘅样有啲吓亲，因为色泽系偏萤光红。不过饮落都几正常，带少许辣度，比坊间罗宋汤质感更稀身。-印式椰汁咖喱配鸡 $98以花纹银器盛载嘅椰汁咖喱，味道浓郁兼带椰香，辣中带清甜。鸡肉肉质偏瘦，配上咖喱更入味。-奶油烤饼 $28每块烤饼都几大，约莫有大半个前臂长。单食都唔算太油腻，口感酥脆带点烟韧。唔少人都会将烤饼蘸点咖喱同食，我都唔例外，食落会别有一番风味。-印式香料炒饭 $58同港式炒饭唔同，呢款比较似系米饭拌以香料而制成，无点加入豉油或其他食材作配料。单食个人认为有点干身，拌以咖喱会较易入口。-Mango Lassi $48见好多食评都推荐呢杯，所以都点嚟试试。入口似芒果乳酪，但口感相对浓稠。酸度个人认为适中，几啱夏天消暑饮用。