留民料理

营业中

休息中

今日入咗屯门同女朋友行街,行到有啲攰谂住系附近食D野,屯门佢比较熟悉,佢带咗我去一间日式居酒屋,留民料理,餐厅喺青山公路彩华花园地下,入到餐厅地方虽然唔大,但系就好整洁,座位空间感亦都好足够。芥末八爪鱼 58元,八爪鱼味道鲜甜,混合咗浓郁嘅芥未,味道鲜味独得,开胃醒神,八爪鱼刺身爽口有弹性,作为前菜真系开胃好味。脆皮炸 BB乳鸽 68元,BB乳鸽即点即炸,乳鸽皮炸到卜卜脆,一啖咬落去肉质非常嫩滑,肉汁丰富。每一啖都食到乳鸽嘅香味,完全做到外脆内嫩。铁板芝士Chicken 78元,一上枱已经闻到好香嘅芝士味,加上用铁板上保持温度,芝士有拉丝,口感,鸡肉同芝士味道好夹,令到鸡味更加凸出,我最喜爱有D芝麻令到味道更有层次。串烧拼盘 118元,有牛柳,鸡肾,五花腩,翠玉瓜,我最喜爱食牛柳,牛肉味香浓,肉质香嫩,加少少蒜片令味道更立体。烧五花腩香葱烩饭 108元,份量好多,烩饭比较软腍多汁,加咗葱,蒜,芝麻味道更加香口,五花腩烧到岩岩好,D肉汁慢慢流出,入口味道香浓爽口,配上烩饭真系食到停唔到口。