汴京茶寮 (雲咸街)

营业中

休息中

今日专登同同事黎汴京茶寮食下午茶。虽然疫情严重，但都几乎满座，可以想像到平时一定仲多人黎食。冷抹茶荞麦面套餐配厚烧玉子+是日冲茶荞麦面带淡淡抹茶味，口感烟韧爽滑，夏天食一流。厚烧玉子热辣辣，充满蛋味。是日冲茶系白牡丹，味道清清地。成个杯可以俾你拎走架。焙茶鲜奶好滑，店员介唔介意问无糖，结果出黎既效果几好，饮到更多焙茶本身既味道。红豆铜锣烧好绵滑，外皮唔似坊间既甘实，红豆甜甜地，唔会甜到腻，好食。迷你和菓子细细粒好得意，唔会好似日本个啲太甜，甜度调教得岩岩好。左边系白豆蓉，右边系红豆蓉，外皮咬落烟烟韧韧。纯素朱古力芝士蛋糕细细件，第一次食纯素蛋糕，其实分别唔大，朱古力味好浓好滑，唔错。黑芝麻麻糬口感烟韧又软滑，黑芝麻馅好香，正。茶冻系用玫瑰花同金桂花整既，啫喱口感，几清新。原来佢地既野食可以拎走同埋网上外卖平台可以外卖，疫情下都唔怕食唔到啦。